Nasir Kazmi

Dec 7 7:39pm 2003 www.desi-planet.com


Woh dil nawaz hai magar nazr shanas nahin
Mera Ilaj meray chara gar kay paas nahi

Tarap rahay hain zaban par kaee sawal magar
Meray liyay koi shayan-e-Iltamas nahin

Teray jaloo main bhi dil kanp kanp uthta hai
Meray mizaj ko aasodgi bhi raas nahin

Kabhi kabhi jo teray qurb main guzaray thay
Ab un dinoon ka tasawur bhi meray paas nahin

Guzar rahay hain ajab marhaloon say deeda o Dil
Sehar ki aas tu hai zindagi ki aas nahi

Mujhay yeh dar hai teri aarzo na mit ja.a
Bohat dinoon say tabiat meri udass nahin